കർമ്മധിരനും ക്രാന്തദര്ശിമായിരുന്നു ഫാ. ആന്റണി എളേച്ചംകുളം ആണ് ഈ സൊസൈറ്റിക്ക് ഇടവകയിൽ ആരംഭം കുറിച്ചത്. 1986ൽ ആരംഭിച്ച ചാസിന്റെ (ചങ്ങനാശ്ശേരി സോഷ്യൽ സർവീസ് സൊസൈറ്റി ) സഹകരണത്തോടെ പ്രവർത്തിച്ചിരുന്നു. 1988ൽ സർക്കാർ നിയമപ്രകാരം സൊസൈറ്റി രജിസ്റ്റർ ചെയ്തിട്ടുണ്ട്. കുടമാളൂരിലെയും സമീപപ്രദേശങ്ങളിലെയും എല്ലാ വിഭാഗം ജനതകളുടെയും സാമൂഹ്യവും സാംസ്കാരികവും സാമ്പത്തികവും വിദ്യാഭ്യാസപരമായ പുരോഗതി ലക്ഷ്യംവച്ചാണ് സൊസൈറ്റി പ്രവർത്തിച്ചു വരുന്നത്. ജനങ്ങളിൽ സമ്പാദ്യശീലം വർദ്ധിപ്പിക്കുന്നതിന് നിരവധി നിക്ഷേപ പദ്ധതികളും, വിവാഹസഹായ പദ്ധതി, വിദ്യാഭ്യാസ -ചികിത്സാ സഹായങ്ങൾ എന്നിവയും നടത്തിവരുന്നു. സൊസൈറ്റി വകയായി പള്ളി മുറ്റത്തു
ഭക്തസാധനകൾ വിൽക്കുന്ന ഒരു സ്റ്റാളും, മുക്തി പബ്ലിക്കേഷൻ എന്ന പേരിൽ ഒരു പ്രസിദ്ധീകരണശാലയും പ്രവർത്തിച്ചുവരുന്നു. ഇവ കൂടാതെ സബ്സിഡിയോടുകൂടി തയ്യൽ മെഷീൻ വിതരണവും, സെന്റ്. അൽഫോൻസാ ഭവനനിർമ്മാണ പദ്ധതിയോട് സഹകരിച്ചു എല്ലാ വർഷവും, സൊസൈറ്റി ഒരു ഭവനം നിർമ്മിച്ചു നൽകുന്നുണ്ട്.